2025 ನೇ ವರ್ಷದಲ್ಲಿ, ಜುಬಿಲಿ ವರ್ಷದ ಪ್ರಯುಕ್ತ ಗಂಗೊಳ್ಳಿಯ ಕೊಸೆಸಾಂವ್ ಮಾತೆಯ ಚರ್ಚಿನಲ್ಲಿ ಶ್ರೀ ಸಾಮಾನ್ಯರಿಂದ “ಶುಭ ಶುಕ್ರವಾರ”ದಂದು ಬಹು ಯಶಸ್ವಿಯಾಗಿ , ಜನರ ಹೃದಯವನ್ನು ತಟ್ಟಿ, ಅಪಾರ ಪ್ರಶಂಸೆಯೊಂದಿಗೆ “ಶಿಲುಬೆಯ ದಾರಿ” ಪ್ರದರ್ಶನಗೊಂಡಿತ್ತು.

ಹಿಂದಿನ ವರ್ಷದ ಪ್ರದರ್ಶನ ಹಾಗೂ ಕಳೆದ ನೂರಾರು ವರ್ಷಗಳಿಂದ ಗಂಗೊಳ್ಳಿ ಚರ್ಚ್ ನಲ್ಲಿ ಪ್ರದರ್ಶನ ಗೊಳ್ಳುತ್ತಿರುವಂತಹ ಯೇಸು ಕ್ರಿಸ್ತರ ಕಷ್ಟಗಳ ಚಿತ್ರಣ (ಪಾಶಾಂವ್) ದ ಪ್ರೇರಣೆ ಪಡೆದು,
ಪ್ರಸ್ತುತ ವರ್ಷ (2026) ಗಂಗೊಳ್ಳಿಯ ಕೊಸೆಸಾಂವ್ ಮಾತೆಯ ಚರ್ಚಿನಲ್ಲಿ ದಿನಾಂಕ 03 ಏಪ್ರಿಲ್ 2026 ರ ಶುಭ ಶುಕ್ರವಾರ ( ಗುಡ್ ಫ್ರೈಡೆ) ದಂದು ಬೆಳಿಗ್ಗೆ 8.00 ಗಂಟೆಗೆ “ಮಕ್ಕಳಿಂದ ನೈಜ ಶಿಲುಬೆಯ ದಾರಿ” ಪ್ರದರ್ಶನಗೊಳ್ಳಲಿರುವುದು.

ಗಂಗೊಳ್ಳಿ ಕೊಸೆಸಾಂವ್ ಮಾತೆ ಚರ್ಚಿನ ಧರ್ಮಗುರುಗಳಾದ ವಂದನೀಯ ತೋಮಸ್ ರೋಶನ್ ಡಿಸೋಜ ರವರ ಮಾರ್ಗದರ್ಶನದಲ್ಲಿ 6 ರಿಂದ 12 ನೇ ವಯಸ್ಸಿನ 60 ಮಕ್ಕಳು ದಿವಂಗತ ಧರ್ಮಗುರು ವಂದನೀಯ ವಲೇರಿಯನ್ ಮೆಂಡೊನ್ಸಾರವರು ಬರೆದ “ಶಿಲುಬೆಯ ದಾರಿ” ಯ ನೈಜ ಪ್ರದರ್ಶನವನ್ನು ಶ್ರೀ ಎಲ್ರೋಯ್ ಕಿರನ್ ಕ್ರಾಸ್ಟೊ, ಶ್ರೀ ಓವಿನ್ ರೆಬೆಲ್ಲೊ ಹಾಗೂ ಶ್ರೀ ರೋಶನ್ ಲೋಬೊರವರ ನಿರ್ದೇಶನದಲ್ಲಿ ನೀಡಲಿದ್ದಾರೆ.

ಅದ್ಭುತ ನಟನಾ ಕೌಶಲ್ಯದೊಂದಿಗೆ ರೂಪುಗೊಂಡಿರುವ ಈ ಶಿಲುಬೆಯ ದಾರಿಯ ಪ್ರದರ್ಶನವು ಗಂಗೊಳ್ಳಿ ಕಾರ್ಮೆಲ್ ಕಾನ್ವೆಂಟಿನ ಧರ್ಮ ಭಗಿನಿಯರು, ಚರ್ಚಿನ ಗಾಯನ ಮಂಡಳಿ, ಚರ್ಚಿನ ಪಾಶಾಂವ್ ಸಮಿತಿ ಹಾಗೂ ಶ್ರೀಸಾಮಾನ್ಯರ ಸಹಕಾರ ದೊಂದಿಗೆ ನೇರವೇರಲಿದೆ.