ಉಡುಪಿ, 25 ಡಿಸೆಂಬರ್, 2024: ವಿಶ್ವಕ್ಕೆ ಶಾಂತಿ ಸಂದೇಶವನ್ನು ಸಾರಿದ ಕ್ರಿಸ್ತ ಯೇಸುವಿನ ಜನ್ಮದಿನವನ್ನು ಮಂಗಳವಾರ 24 ಡಿಸೆಂಬರ್ 2024 ರಂದು ಸಂಜೆ 7 ಗಂಟೆಗೆ ಕೊಳಲಗಿರಿಯ ಸೇಕ್ರೆಡ್ ಹಾರ್ಟ್ ಚರ್ಚಿನಲ್ಲಿ ಕ್ರೈಸ್ತ ಬಾಂಧವರು ಸಡಗರ ಸಂಭ್ರಮದಿಂದ ಆಚರಿಸಿದರು. ಹಾಗೆಯೇ ಬಂಧು ಬಾಂಧವರೊಂದಿಗೆ ಶುಭಾಶಯ ವಿನಿಮಯ ಮಾಡಿದರು.

ಪ್ರಧಾನ ಯಾಜಕರಾಗಿ ಮೂಡುಬೆಳ್ಳೆಯ ಕಾಪುಚಿನ್ ಸದಸ್ಯ ವಂ| ಲಾರೆನ್ಸ್ ರೋಡ್ರಿಗಸ್, ಚರ್ಚಿನ ಪ್ರಧಾನ ಧರ್ಮಗುರು ವಂ| ಜೋಸೆಫ್ ಮಚಾದೋ, ದಿಯಾಕೋನ್ ಓಸ್ವಾಲ್ಡ್ ವಾಜ್‌ ರವರೊಂದಿಗೆ ವಿಶೇಷ ಬಲಿಪೂಜೆಯನ್ನು ನೆರವೇರಿಸಿದರು.

ಹಾಗೆಯೇ ಕ್ರಿಶ್ಚಿಯನ್ ಹಬ್ಬದ ಚರಿತ್ರೆಯನ್ನು ಆಚರಿಸದೆ, ದೇವರ ಅತಿ ದೊಡ್ಡ ಅದ್ಭುತವಾದ ಪ್ರೀತಿಯನ್ನು ಹಾಗೂ ದೇವರು ನಮ್ಮ ಸಂಗಡ ಇರುವುದನ್ನು ನಾವು ಸಂಭ್ರಮದಿಂದ ಆಚರಿಸಬೇಕು ಎಂದು ಹಬ್ಬದ ಸಂದೇಶವನ್ನು ನೀಡಿದರು.

ಹಬ್ಬದ ಅಂಗವಾಗಿ ICYM ಅವರಿಂದ ಕ್ರಿಸ್ಮಸ್ ಗೀತ ಗಾಯನ, ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.

ಭಕ್ತಾದಿಗಳಿಗೆ ಕೇಕ್ ಹಾಗೂ ಕಾಫಿಯನ್ನು ವಿತರಿಸಲಾಯಿತು.