ಸಂತ ಅನ್ನಮ್ಮ ದೇವಾಲಯ ತೊಟ್ಟo : ಸೆ. 7 ರoದು ‘ತರಕಾರಿ ಸಂತೆ 2025’

Pixel Udupi September 4, 2025

0Shares

ಸ. 7 : ತೊಟ್ಟಂ ಚರ್ಚಿನಲ್ಲಿ ತರಕಾರಿ ಸಂತೆ
ಮಲ್ಪೆ: ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ( ರಿ. ) – ತೊಟ್ಟಾಮ್ ಘಟಕ ಮತ್ತು ಶ್ರೀಸಾಮಾನ್ಯ ಆಯೋಗ , ಸಂತ ಆನ್ನಮ್ಮ ದೇವಾಲಯ , ತೊಟ್ಟಾಮ್ ಇವರ ಜಂಟಿ ಆಶ್ರಯದಲ್ಲಿ “ತರಕಾರಿ ಸಂತೆ – 2025” ದೇವಾಲಯದ ಸಭಾಂಗಣದಲ್ಲಿ ಸಪ್ತೆಂಬರ್ 7 , 2025 ಬೆಳಗ್ಗೆ 9:15 ರಿಂದ ಆಯೋಜಿಸಲಾಗಿದೆ.
ಸಪ್ತೆಂಬರ್ 8 ಮೇರಿ ಮಾತೆಯ ಜನ್ಮ ದಿನವಾಗಿದ್ದು ಕ್ರೈಸ್ತ ಬಾಂದವರಿಗೆ ತುಂಬಾ ಪವಿತ್ರ ದಿನವಾಗಿದೆ. ಕರಾವಳಿಯ ಕ್ರೈಸ್ತ ಬಾಂದವರು ತೆನೆ ಹಬ್ಬವನ್ನು ಕೂಡ ಆಚರಿಸುತ್ತಾರೆ. ಸಾಂಪ್ರದಾಯಿಕವಾಗಿ ಎಲ್ಲಾ ಮನೆಗಳಲ್ಲಿ ತರಕಾರಿ ಪಲ್ಯಗಳೊಂದಿಗೆ ಈ ಹಬ್ಬವನ್ನು ಆಚರಿಸುತ್ತಾರೆ.
ಎಲ್ಲಾ ತರಕಾರಿಗಳು ಒಂದೇ ಚಪ್ಪರದೊಳಗೆ ಲಭ್ಯವಾಗಬೆಕೆಂಬ ಉದ್ದೇಶದಿಂದ ಆಯೋಜಕರು ಕಳೆದ ವರ್ಷ ಆಯೋಜನೆ ಮಾಡಿದ್ದ ತರಕಾರಿ ಸಂತೆ ಯಶಸ್ವಿಯಾಗಿದ್ದು ತೊಟ್ಟಾಮ್ ಮಾತ್ರವಲ್ಲದೆ ನೆರೆಕರೆಯ ಭಕ್ತ ಭಾಂದವರು ಈ ಸಂತೆಯಲ್ಲಿ ಪಾಲ್ಗೊಂಡು ತುಂಬಾ ಖುಶಿ ಪಟ್ಟಿದ್ದರು. ಈ ಯಶಸ್ಸಿನಿಂದ ಸ್ಪೂರ್ತಿ ಪಡೆದ ಆಯೋಜಕರು ಈ ವರ್ಷ “ತರಕಾರಿ ಸಂತೆ – 2025” ಯನ್ನು ಮತ್ತಷ್ಟು ವೈಶಿಷ್ಟವಾಗಿ ಹಾಗೂ ವ್ಯವಸ್ಥಿತವಾಗಿ ಆಯೋಜಿಸಲು ನಿರ್ಧರಿಸಲಾಗಿದೆ ಎಂದು ಕಥೊಲಿಕ್ ಸಭಾ ಉಡುಪಿ ಪ್ರದೇಶ್ ( ರಿ. ) – ತೊಟ್ಟಾಮ್ ಘಟಕದ ಆಧ್ಯಕ್ಷೆ ವೀಣಾ ಫೆರ್ನಾಂಡಿಸ್ ತಮ್ಮ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

0Shares