ಉಡುಪಿ, ಮಾರ್ಚ್ 16: ಯುವವಾಹಿನಿ ಉಡುಪಿ ಘಟಕದಿಂದ ಚಿಟ್ಟಾಡಿ ಲಕ್ಷ್ಮೀ ಸಭಾಂಗಣದಲ್ಲಿ ಶನಿವಾರ ಹಮ್ಮಿಕೊಂಡಿದ್ದ ಬನ್ನಂಜೆ ಬಾಬು ಅಮೀನ್ ಜಾನಪದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಬಂಟ್ವಾಳದ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರದ ಅಧ್ಯಕ್ಷ ಡಾ। ತುಕರಾಂ ಪೂಜಾರಿ ಅವರಿಗೆ ಜಾನಪದ ವಿದ್ವಾಂಸ ಪ್ರಶಸ್ತಿ, ದೈವಾರಾಧನೆಯ ಹಿರಿಯರಾದ ಅಲೆವೂರು ಗೋಪು ಮಡಿವಾಳ ಅವರಿಗೆ ಜಾನಪದ ಕಲಾವಿದ ಪ್ರಶಸ್ತಿ ನೀಡಿ ಸಮ್ಮಾನಿಸಲಾಯಿತು.

ಅನಂತರ ಮಾತನಾಡಿದ ಡಾ| ತುಕಾರಾಂ ಪೂಜಾರಿ, ತುಳುನಾಡು ಭೌಗೋಳಿಕ, ಸಾಂಸ್ಕೃತಿಕ ಹಾಗೂ ವೈಚಾರಿಕ ನಿಧಿ ಇದ್ದಂತೆ ಅದನ್ನು ಮುಂದಿನ ಪೀಳಿಗೆಗೆ ತಲುಪಿಸುವ ಜತೆಗೆ ಯುವ ಜನತೆ ಅದನು ಅರಿಯಬೇಕು ಎಂದರು.

ಪ್ರಶಸ್ತಿ ಸಮಿತಿ ಅಧ್ಯಕ್ಷ ಮುದ್ದು ಮೂಡುಬೆಳ್ಳೆ ಅಭಿನಂದನ ಭಾಷಣ ಮಾಡಿದರು. ಯುವವಾಹಿನಿ ಉಡುಪಿ ಘಟಕ ಅಧ್ಯಕ್ಷ ದಯಾನಂದ ಕರ್ಕೇರ ಅಧ್ಯಕ್ಷತೆ ವಹಿಸಿದ್ದರು.

ಜನಪದ ವಿದ್ವಾಂಸ ಬನ್ನಂಜೆ ಬಾಬು ಅಮೀನ್, ಯುವವಾಹಿನಿ ಮಂಗಳೂರು ಕೇಂದ್ರ ಸಮಿತಿ ಅಧ್ಯಕ್ಷ ಲೋಕೇಶ್ ಕೋಟ್ಯಾನ್ ಕುಳೂರು, ಉದ್ಯಮಿ ರಂಜನ್ ಕೆ., ಯುವ ವಾಹಿನಿ ಕಾವ್ಯದರ್ಶಿ ಮಹೇಶ್ ಮಲ್ಪೆ ರಜತ ಸಂಭ್ರಮ ಸಮಿತಿ ಸಂಚಾಲಕ ರಘುನಾಥ ಮಾಬಿಯಾನ್, ಮಹಿಳಾ ಘಟಕ ಸಂಚಾಲಕಿ ಕಲ್ಯಾಣಿಉಪಸ್ಥಿತರಿದ್ದರು.ಕಾಠ್ಯಕ್ರಮಸಂಚಾಲಕ ಭಾಸ್ಕರ್ ಸುವರ್ಣ ಸ್ವಾಗತಿಸಿ, ಪ್ರಸ್ತಾವನೆಗೈದರು. ಸಂತೋಷ್ ನಿರೂಪಿಸಿದರು.