0Shares

ಪಂಜರ ಚಿನ್ನದ್ದಾದರೇನಂತೆ …ಹಕ್ಕಿಯ ಪಾಲಿಗೆ ಅದು ಪಂಜರವೇ ತಾನೇ?

ಅಂದು ವಿನಯನಿಗೆ ವಿಶ್ವ ಹಿರಿಯರ ದಿನದಂದು ಟೌನ್ ಹಾಲ್‌ನಲ್ಲಿ ಭಾಷಣ ಮಾಡಬೇಕಿತ್ತು .. ಸಭೆ ಕಿಕ್ಕಿರಿದು ತುಂಬಿತು ಭಾಷಣ ಆರಂಭಿಸಿದ “ಈ ವೃದ್ದಾಶ್ರಮಗಳು ಇರಲೇ ಬಾರದಿತ್ತು ಆಗ ಎಲ್ಲರಿಗೂ ಹಿರಿಯರ ಮಹತ್ವ ತಿಳಿಯುತಿತ್ತು, ಎಲ್ಲ ವೃದ್ದಾಶ್ರಮಗಳನ್ನು ಮುಚ್ಚಿಸಿ ಬಿಡಬೇಕು ಆಗ ಮತ್ತೆ ಮನೆ ಮನೆ ಗಳಲ್ಲಿ ಅಜ್ಜ ಅಜ್ಜಿಯರು ಇರುತಿದ್ದರು” ಎಂದಿದ್ದ .. ಇಡೀ ಟೌನ್ ಹಾಲ್‌ನ ಜನರೆಲ್ಲಾ ಎದ್ದು ನಿಂದು ಚಪ್ಪಾಳೆ ಹೊಡೆದಿದ್ದರು. ಈ ಅದ್ಭುತ. ಭಾಷಣ ಮಾಡಿದ್ದಕ್ಕೆ ಒಂದು ಸ್ಮರಣಿಕೆ ಕೊಟ್ಟಿದ್ದರು..

ಅದನ್ನು ಹಿಡಿದು ಕೊಂಡು ಮನೆ ಕಡೆ ಬರುತ್ತಿದ್ದರೆ ಮೊಬೈಲ್ ಅಲ್ಲಿ ಸಂದೇಶ ಒಂದು ಬಂದಿತ್ತು ಮನೆಯಿಂದ ಅಪ್ಪ ಮೆಸೇಜ್ ಮಾಡಿದ್ದರು ..ಬಹಳ ಅಪರೂಪಕ್ಕೆ ಬಂದ ಅಪ್ಪನ ಮೆಸೇಜ್, ವಿನಯ್ ನನ್ನು ಒಂದು ಕ್ಷಣ ಮೆಸೇಜ್ ಓದುವಂತಾಗಿಸಿ ಬಿಟ್ಟಿತ್ತು ….

“ವಿನೂ ನಾನು ನಮ್ಮ ಮನೆ ಪಕ್ಕದ ಬೀದಿಯಲ್ಲಿರೋ “ಬದುಕು” ವೃದ್ಧಾಶ್ರಮಕ್ಕೆ ಹೋಗ್ತಿದ್ದೀನಿ..ಇವತ್ತಿಂದ ನನ್ ಮನಸ್ಸು ಪ್ರಶಾಂತವಾಗೊ ತನಕ ಅಲ್ಲಿದ್ದು ಬರ್ತೀನಿ ಕಣೋ ..ಹೇಗೋ 20000 ಪೆನ್ಷನ್ ಬರತ್ತಲ್ಲ ಅಲ್ಲಿ ತಿಂಗಳಿಗೆ 10,000 ಅಷ್ಟೇ ಕೊಟ್ಟರಾಯಿತು, ಮನಸ್ಸಿಗೊಂದಿಷ್ಟು ಶಾಂತಿ ಸಿಗುವುದು ..
ನಿನಗೆ ಆಶ್ಚರ್ಯವಾಗುತ್ತಿರಬಹುದು ಒಳ್ಳೆಯ ಕೋಣೆ,ಒಳ್ಳೆಯ ಊಟ, ಆರಾಮದ ಬದುಕನ್ನು ಬಿಟ್ಟು ಹೋಗುತ್ತಿರುವುದು ಹುಚ್ಚುತನ ಎಂದು ಆದರೆ…

ಪಂಜರ ಚಿನ್ನದ್ದಾದರೂ ಪಂಜರ ಪಂಜರವೇ ತಾನೇ ??”

ಕಳೆದ ವರ್ಷ ನಿಮ್ಮಮ್ಮ ಹೋದ ಮೇಲೆ ಒಬ್ಬಂಟಿ ಎನಿಸುತ್ತಿದೆ ಕಣೋ, ಮನೆಯಲ್ಲಿ ನೀನು ನಿನ್ನ ಮಕ್ಕಳು ,ಸೊಸೆ ಎಲ್ಲ ಇದ್ದಾರೆ ಆದರೆ ಎಲ್ಲ ನಿಮ್ಮ, ನಿಮ್ಮ ಲೋಕದಲ್ಲೇ ಬ್ಯುಸಿ ಇರುತ್ತೀರಿ..ನಾನು ಮಾತ್ರ ಒಬ್ಬಂಟಿ ..ಅದು ನಿಮ್ಮ ತಪ್ಪಲ್ಲ ಈ ಸಮಾಜವೇ ಹಾಗೆ ಏನೂ ಹೇಳುವಂತಿಲ್ಲ ,ಮನಸ್ಸಿಗೆ ತೋಚಿದ್ದನ್ನು ಗೋಡೆಯ ಬಳಿ ಹೇಳಿ ಹೇಳಿ ಸಾಕಾಗಿದೆ ಕಣೋ ,ಬೆಳಿಗ್ಗೆ ಏಳುವುದು ರಾತ್ರಿ ಮಲಗುವುದು ಇವಿಷ್ಟೇ ಬದುಕಾಗಿ ಬಿಟ್ಟಿದೆ ,ಮನೆ ಯಲ್ಲಿ ನಡೆಯುವ ಚಿಕ್ಕ ಪುಟ್ಟ ವಿಷಯ ಗಳೂ ಕೂಡ ಮನಸ್ಸಿಗೆ ನೋವುಂಟು ಮಾಡುತ್ತಿದೆ ,ಸೊಸೆ ಊಟದ ಬಟ್ಟಲನ್ನು ಕುಕ್ಕುವುದು,2 ಬಾರಿ ಹೇಳಿದಾಗಲೂ ಊಟ ಮಾಡದಾಗ ಬದಲಾಗುವ ಮುಖಭಾವ,ಯಾಕೋ ನಾನು ನನ್ನದೇ ಮನೆಯೊಳಗೇ ನಿರ್ಲಕ್ಷ್ಯಕ್ಕೊಳಗಾಗುತಿದ್ದೇನೆ ಎನ್ನುವ ಅನವಶ್ಯಕ ಯೋಚನೆ ಗಳು ನನ್ನ ಬಿಪಿ,ಶುಗರ್ ಅನ್ನು ಹೆಚ್ಚಿಸುತ್ತಿದೆ..ಆ ದೇವರು ನಿನ್ನಮ್ಮ ನನ್ನ ಮಾತ್ರ ಕರೆದು ಕೊಂಡು ನನಗೆ ಅನ್ಯಾಯ ಮಾಡಿದನೇನೋ ಎನಿಸುತ್ತಿದೆ …

ಮೊನ್ನೆ ವಾಕಿಂಗ್ ಗೆ ಹೋದವ ಆ ವೃದ್ಧಾಶ್ರಮಕ್ಕೆ ಒಮ್ಮೆ ಹೋಗಿದ್ದೆ ಅಲ್ಲೊಂದು ಅರ್ಧ ಗಂಟೆ ಕೂತಿದ್ದೆ ಅಲ್ಲಿಯ ವಾತಾವರಣ ಹಿತವೆನಿಸಿತ್ತು ವಿನು …ಅಲ್ಲಿ ನನ್ನದೇ ವಯಸ್ಸಿನ ಹಿರಿ ಜೀವ ಗಳೊಂದಿಗೆ ಮಾತಾಡುವಾಗ ನಮ್ಮ ಬಾಲ್ಯದ ಶಾಲಾ ದಿನಗಳು ನೆನಪಿಗೆ ಬಂದಿತ್ತು ,ಎಲ್ಲ ಒಟ್ಟಾಗಿ ದೊಡ್ಡ ಹಾಲ್ ಒಂದರಲ್ಲಿ ಮಲಗುವಾಗ ಏನೋ ಸಂತಸ ಬಂತು ,ನನ್ನದೇ ಪ್ರಾಯದ ಅಜ್ಜಿ ಯರ..ಭಾವನೆ ಗಳು ಅವರ ಕುಟುಂಬದ ಕತೆಗಳು ,ಆಗಾಗ ಎಲ್ಲರೊಂದಿಗೆ ಆಚರಿಸಿ ಕೊಳ್ಳುವ ಹುಟ್ಟು ಹಬ್ಬದ ಆಚರಣೆ ,ಬೆಳಿಗ್ಗೆ ಎಲ್ಲ ಒಟ್ಟಾಗಿ ಯೋಗ ಮಾಡುವುದಿರಲಿ ಸಂಜೆ ಕೇರಂ ಆಡುವುದಿರಲಿ ಏನೋ ಒಂತರ ಮನಸ್ಸಿಗೆ ಹಿತವೆನಿಸಿತ್ತು..ಹೇಗೂ ಬರುವ ತಿಂಗಳು ನನ್ನ ಜಾನು ( ಜಾನಕೀ, ನಿನ್ನ ತಾಯಿ)ಯಾ ಹುಟ್ಟಿದ ದಿನ ಅಲ್ಲೇ ಆಚರಿಸಬೇಕೆಂದಿದ್ದೇನೆ..ನಿನಗೆ ನೆನಪು ಹೋಗಿರಬಹುದು ಮಗ ನಾನು ಹೇಗೆ ಮರೆಯಲಿ 43 ವರ್ಷ ಗಳು ಒಂದು ದಿನವೂ ಮರೆಯದೆ ತಿಂದಿದ್ದ ಕ್ಯಾರೆಟ್ ಹಲ್ವಾ …ಇರಲಿ…ಸಂಜೆ 5 ಗಂಟೆಗೆ ಹೋಗುತಿದ್ದೇನೆ ಎಲ್ಲ ಪ್ಯಾಕಿಂಗ್ ಆಗಿದೆ ಸಾಧ್ಯ ಆದರೆ ಬೇಗ ಬಂದು ಬಿಡೋ” ….

ಅಪ್ಪ ಕೇಳಿದ್ದಲ್ಲ ,ಹೇಳಿದ್ದು ಎಂಬುದು ಅರ್ಥ ವಾಗಿತ್ತು ವಿನಯನಿಗೆ .ಅಪ್ಪನ ಈ ಒಂದು ಸಂದೇಶ ನನ್ನ ನಂಬಿಕೆಗಳಿಗೆ ಕೊಡಲಿ ಪೆಟ್ಟು ಕೊಟ್ಟಿತ್ತು ..ಈಗ ತಾನೇ ಟೌನ್ ಹಾಲ್ ನಲ್ಲಿ..ಎಲ್ಲ ವೃದ್ದಾಶ್ರಮ ಗಳನ್ನ ಮುಚ್ಚ ಬೇಕು ಎಂದಿದ್ದ …ತನ್ನ ಅಭಿಪ್ರಾಯ ತಪ್ಪು ಎಂದು ಈಗ ಸ್ಪಷ್ಟವಾಗಿತ್ತು ವಿನಯ್ಗೆ …

ಆ ಸ್ಮರಣಿಕೆ ಯನ್ನು ಅಲ್ಲೇ ಕಸದ ಬುಟ್ಟಿಗೆ ಎಸೆದಿದ್ದ ..ನಾನು ಆ ಸ್ಮರಣಿಕೆ ಗೆ ಅರ್ಹನಲ್ಲ ಎಂಬುದು ಸ್ಪಷ್ಟವಾಗಿ ತಿಳಿದಿತ್ತು ಅವನಿಗೆ ….
ಬೇಗ ಬೇಗ ಬೇಕರಿಗೆ ಹೋಗಿ ಅಮ್ಮನ ಹೆಸರಿನ ಕೇಕ್ ನೊಂದಿಗೆ ಮನೆಯತ್ತ ಪಯಣಿಸಿದ್ದ ..ಅಪ್ಪ ಕಾಯುತ್ತಿರುತ್ತಾರೆ ಎಂಬುದು ತಿಳಿದಿತ್ತು ಈತನಿಗೆ ……

ಇದು ಹೆಚ್ಚಿನ ಎಲ್ಲ ಮನೆಯ ಪರಿಸ್ಥಿತಿ ಹಿರಿಯ ಜೀವ ಗಳನ್ನ ಗಾಳಿ,ಬೆಳಕಿಲ್ಲದ,ಕೊಳಕು ಬಟ್ಟೆಗಳ ಹಾಸಿಗೆ ಯಲ್ಲಿ ಮಲಗಿಸಿ..ನನ್ನ ತಂದೆ ತಾಯಿ ಯನ್ನು ನಾನೇ ನೋಡಿದೆ ಹಾಗೆ ಹೀಗೆ ಎಂದು ಮೆರೆಯುವ ಬುದ್ದಿ ಹೀನ ಮಕ್ಕಳಿರಬಹುದು,ಕೊನೆಯ ದಿನಗಳಲ್ಲಿ ಯಾವುದೊ ವೃದ್ದಾಶ್ರಮ ದಲ್ಲಿ ಹಾಕಿ ಸತ್ತ ಬಳಿಕ ಬಂದು ಆದ್ದೂರಿ ಯಾಗಿ ಬೊಜ್ಜ ಮಾಡಿ,ಲಕ್ಷ ಗಟ್ಟಲೆ ಖರ್ಚು ಮಾಡುವ ಅವಿವೇಕಿ ಮಕ್ಕಳಿರಬಹುದು ,ತಂದೆ ತಾಯಿಗಳನ್ನೂ ಮನೆಯಿಂದಲೇ ಹೊರ ಹಾಕುವ ಪಾಪಿಷ್ಟ ಮಕ್ಕಳಿರಬಹುದು …ಒಮ್ಮೆ ಅವರ ಜಾಗದಲ್ಲಿ ಇದ್ದು ನೋಡಿ ಇಂದು ಅವರಿಗಾಗಿದ್ದು ನಾಳೆ ನಿಮಗಾಗದೆ ಇದ್ದೀತೇ ? ಒಮ್ಮೆ ಯೋಚಿಸಿ….

ಇದರ ಬದಲು ಇಂದೇ ಬದಲಾಗಿ ತಂದೆ ತಾಯಿ ಗಳನ್ನು ಅರಿಷ್ಟ ದಂತೆ ಬದುಕಲು ಬಿಡಿ..
ಅವರ ಕೊನೆಯ ದಿನಗಳು ಹೇಗಿರಬೇಕು ಎಂದು ಅವರು ಆ ಪರಿಸ್ಥಿತಿಗೆ ( ಯೋಚನಾ ಶಕ್ತಿ ಕಳಕೊಳ್ಳುವ) ಮೊದಲೇ ಕೇಳಿ ತಿಳಿದು ಕೊಳ್ಳಿ ಅದನ್ನೊಂದನ್ನು ನಡೆಸಿಕೊಡಿ ……..
ಮತ್ತೆ ಜ್ಞಾಪಿಸುತ್ತಿದ್ದೇನೆ ಕಿವಿ ಕೊಟ್ಟು ಕೇಳಿ ..
🙏🙏🙏🙏🙏🙏🙏
*ಪಂಜರ *ಚಿನ್ನದ್ದಾದರೇನಂತೆ …ಹಕ್ಕಿಯ ಪಾಲಿಗೆ ಅದು ಪಂಜರವೇ ತಾನೇ ??* 😔