ಅಧುರೆಂ ಮಿಲನ್

ಸಾತ್ ಸವಾಲಾಂಕ್ ಮ್ಹಜ್ಯಾ

ಏಕ್ ಜಾಪ್ ಖಂಡಿತ್ ಆಸಾ

ಹಾತ್ ಉಸವ್ನ್ ಆರಾಂವ್ಕ್ ತುಕಾ

ಭಾಗಾನಾಸ್ಲಿ ಮೊಗಾ ತಾನ್ ಮ್ಹಾಕಾ.

ಮೊಗಾ ತುಕಾ ಚಿಂತಾನಾ

ಕಾಳ್ಜಾ ಶಿರ್ ಉಡ್ಕಾಣಾಂ ಮಾರ್ತಾ

ಸಪ್ಣಾಂತೀ ತುಜಿ ಸಾವ್ಳಿ ಧೊಸುನ್ ಧಾಂವ್ತಾ

ದೊಳ್ಯಾಂ ಥಾವ್ನ್ ಮೊತ್ಯಾಂ ಹಳೂ ದೆ೦ವ್ತಾತ್.

ಮೊಗಾ ತುಕಾ ದೆಖ್ತಾನಾ

ಹಾಸೊ ಫುಲ್ತಾತ್ ಮ್ಹಜ್ಯಾ ವೊಂಟಾರ್

ಮೋಗ್ ಕಿರ್ಲಾಲ್ಲ್ಯಾ ಕಾಳ್ಜಾ ಕಾಟ್ಯಾರ್

ತುಜ್ಯಾ ರುಪ್ಣ್ಯಾಚೊ ಪರ್ಜಳ್ ಆಧಾರ್.

ಮೋಗಾ ತುಜ್ಯಾ ಯೆಣ್ಯಾಕ್ ರಾಕ್ತಾನಾ

ರಿತ್ಯಾ ಭೊಗ್ಣಾನಿಂ ಬುಡ್‍ಲ್ಲೆಂ ಜೀವನ್

ವೊಳಿ ವಿಣೆಂ ವಿಣ್ಲೆಲೆಂ ಕವನ್

ಪೊಂತಾಕ್ ಪಾವಾನಾತ್ಲೆಂ ಆಮ್ಚೆಂ ಅಧುರೆಂ ಮಿಲನ್!

ಗ್ಲ್ಯಾಮಿ, ಕಲ್ಯಾಣ್ಪುರ್