ಪ್ರಸಂಗಕರ್ತ ಹಿರಿಯ ಕಂದಾವರ ರಘುರಾಮ ಶೆಟ್ಟಿ ನಿಧನ

Pixel Udupi November 26, 2025

0Shares

ಕುಂದಾಪುರ :ಹಿರಿಯ ಯಕ್ಷಗಾನ ಪ್ರಸಂಗಕರ್ತ, ನಿವೃತ್ತ ಶಿಕ್ಷಕ ಕಂದಾವರ ರಘುರಾಮ ಶೆಟ್ಟಿ (89ವ) ವಯೋ ಸಹಜ ಕಾರಣದಿಂದ ಅವರು ಬುಧವಾರ ಬೆಳಿಗ್ಗೆ ನೂಜಾಡಿಯ ಸ್ವಗೃಹದಲ್ಲಿ ನಿಧನರಾದರು.

1936ರಲ್ಲಿ ಬಳ್ಕೂರು ಕಂದಾವರದಲ್ಲಿ ಕರ್ಕಿ ಸದಿಯಣ್ಣ ಶೆಟ್ಟಿ ಮತ್ತು ಪುಟ್ಟಮ್ಮ ಶೆಟ್ಟಿ ದಂಪತಿಗಳ ಪುತ್ರರಾಗಿ ಜನಿಸಿದ್ದ ಇವರು ಕಂಡ್ಲೂರು ನೇತಾಜಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸಹ ಶಿಕ್ಷಕರಾಗಿ, ಮುಖ್ಯೋಪಾಧ್ಯಾಯರಾಗಿ 35 ವರ್ಷಗಳ ಸೇವೆ ಸಲ್ಲಿಸಿದ್ದರು. ವಿದ್ಯಾರ್ಥಿಯಾಗಿದ್ದ ಸಮಯದಲ್ಲಿ ಯಕ್ಷಗಾನದ ಆಸಕ್ತಿ ಮೈಗೂಡಿಸಿಕೊಂಡಿದ್ದ ಅವರು ಬಾಲ ಕಲಾವಿದರಾಗಿ, ಭಾಗವತರಾಗಿ ಹವ್ಯಾಸಿ ಕಲಾವಿದರಾಗಿ ರೂಪುಗೊಂಡವರು.
ಯಕ್ಷಗಾನ ಪ್ರಸಂಗ ರಚನೆಯಲ್ಲಿ ಕಂದಾವರ ಹೆಸರು ಅಜರಾಮರ. ಶ್ರೀದೇವಿ ಬನಶಂಕರಿ, ಚಲುವೆ ಚಿತ್ರಾವತಿ, ಶೂದ್ರ ತಪಸ್ವಿನಿ, ರತಿ ರೇಖಾ, ವಸುವರಾಂಗಿ, ಸೀತಾ ಪಾರಮ್ಯ, ನಾಗ ನಂದನೆ, ಸತಿ ಸೀಮಂತಿನಿ, ವಧು ಮಾಧವಿ ಮೊದಲಾದ ಪ್ರಸಂಗಗಳು ಜನಪ್ರಿಯತೆಗಳಿಸಿವೆ.

ನಿವೃತ್ತಿಯ ನಂತರ ನೂಜಾಡಿಯಲ್ಲಿ ಪತ್ನಿ ಮಕ್ಕಳೊಂದಿಗೆ ನೆಲೆಸಿದ್ದರು.

0Shares