Udupi, 18 Sept 2024: ‘ಸಂಗೀತ್ ಘರ್, ಮಂಗಳೂರು’ ಬ್ಯಾನರ್‍ಅಡಿಯಲ್ಲಿ ತಯಾರಾಗಿರುವ ಬಹು ನಿರೀಕ್ಷೆಯ ಕೊಂಕಣಿ ಚಲನಚಿತ್ರ ‘ಪಯಣ್’ ಸೆ. 20ರಂದು ರಾಜ್ಯಾದ್ಯಂತ ತೆರೆಕಾಣಲಿದೆ.

ಚಿತ್ರದ ಕಥೆ, ಸಂಭಾಷಣೆಯು ನಿರ್ದೇಶಕ ಜೊಯೆಲ್ ಪಿರೇರಾ ಅವರದ್ದು, ಶ್ರೀಮತಿ ನೀಟಾ ಜೊನ್ ಪೆರಿಸ್ ಚಿತ್ರದ ನಿರ್ಮಾಪಕರಾಗಿದ್ದು, ಸಾಹಿತ್ಯವು ಮೆಲ್ವಿನ್ ಪೆರಿಸ್ ಹಾಗೂ ಸಂಗೀತ ನಿರ್ದೇಶನ ರೋಶನ್ ಡಿ’ಸೋಜ ಆಂಜೆಲೊರ್ ಅವರದ್ದಾಗಿದೆ.

ಛಾಯಾಗ್ರಹಣ ವಿ. ರಾಮಾಂಜನೆಯ ಮತ್ತು ಸಂಕಲನ ಮೆವಿನ್ ಜೊಯೆಲ್ ಪಿಂಟೊ, ಶಿರ್ತಾಡಿ ಅವರದ್ದು. ಉಡುಪಿ, ಮಂಗಳೂರಿನ ಆಸುಪಾಸು ಪ್ರದೇಶದಲ್ಲಿ ಚಿತ್ರೀಕರಣ ನಡೆಸಲಾಗಿದೆ.

ಸೆ. 20ರಂದು ಉಡುಪಿ, ಕುಂದಾಪುರ, ಪಡುಬಿದ್ರಿ, ಸುರತ್ಕಲ್, ಮಂಗಳೂರು ಹಾಗೂ ಪುತ್ತೂರಿನಲ್ಲಿ ಏಕಕಾಲದಲ್ಲಿ ಬಿಡುಗಡೆಯಾಗಲಿದೆ. ಈಗಾಗಲೇ ಮುಂಬಯಿ ಹಾಗೂ ಗಲ್ಫ್ ದೇಶಗಳಲ್ಲಿ ಬಿಡುಗಡೆಯಾಗುವ ದಿನಾಂಕಗಳು ನಿಗದಿಯಾಗಿವೆ.

ಪಯಣ್, ಸಂಗೀತಗಾರನ ಹೋರಾಟದ ಪ್ರಯಾಣ ಕಥೆಯಾಗಿದೆ.