ಕೊಳಲಗಿರಿ ವಾರ್ಡ್ ಅಭಿವೃದ್ಧಿ ಸಮಿತಿಯಿಂದ ಮಕ್ಕಳ ದಿನಾಚರಣೆ

Pixel Udupi November 19, 2024

0Shares

ಕೊಳಲಗಿರಿ ವಾರ್ಡ್ ಸಮಿತಿಯವರು ಮಕ್ಕಳ ದಿನಾಚರಣೆ ಪ್ರಯುಕ್ತ ಆಯೋಜಿಸಿರುವ ವಿವಿಧ ಆಟೋಟ ಮತ್ತು ಮನೋರಂಜನ ಸ್ಪರ್ಧೆಗಳನ್ನು ಸಂಚಾಲಕರಾದ ಅಶ್ವಿನ್ ರೋಚ್ ಇವರ ನೇತೃತ್ವದಲ್ಲಿ ಕೊಳಲಗಿರಿ ಪ್ರಾಥಮಿಕ ಶಾಲಾ ಮೈದಾನದಲ್ಲಿ ಜರುಗಿತು.

ಸಮಾರೋಪ ಸಮಾರಂಭದಲ್ಲಿ ಕೊಳಲಗಿರಿ ಚರ್ಚಿನ ಧರ್ಮ ಗುರುಗಳು ಫಾದರ್ ಜೋಸೆಫ್ ಮಚಾದೋ, ಸಹಾಯಕ ಗುರುಗಳಾದ ವಸ್ವಾರ್ಡ್ ವಾಜ್, ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷರಾದ ಸುನಿಲ್ ಶೆಟ್ಟಿ ತೆಂಕಬೆಟ್ಟು, ಅಮ್ಮುಂಜೆ ರಾಜೇಶ್ ನಾಯಕ್, ರೋಷನ್ ಡಿಸೋಜಾ ಕಾರ್ತಿಬೈಲ್, ಅಮ್ಮುಂಜೆ ಶಾಲೆಯ ಸುಜಾತ ಟೀಚರ್ ವೇದಿಕೆಯಲ್ಲಿ ಅತಿಥಿಗಳಾಗಿ ಉಪಸ್ಥಿತರಿದ್ದರು. ಮಕ್ಕಳಿಗೆ ಫೋಟೋ ಸ್ಪರ್ಧೆ,
ಕ್ವಿಜ್ ಸ್ಪರ್ಧೆ, ಅದೃಷ್ಟ ಪುಟಾಣಿ ಸ್ಪರ್ಧೆ, ದೀಪಾವಳಿಯಂದು ನಡೆಸಿರುವ ಗೂಡು ದೀಪ ಸ್ಪರ್ಧೆಯ ವಿಜೇತರಿಗೆ ಬಹುಮಾನ ವಿತರಣೆ, ವಿವಿಧ ಮನೋರಂಜನಾ ಸ್ಪರ್ಧೆಗಳ ವಿಜೇತರಿಗೆ ಬಹುಮಾನ ವಿತರಣಾ ಕಾರ್ಯಕ್ರಮ ಜರುಗಿತು.

ಕಿಶೋರ್ ಮುಟ್ಟಿಕಲ್ ಸ್ವಾಗತಿಸಿ, ಸಂಚಾಲಕರಾದ ಅಶ್ವಿನ್ ರೋಚ್ ಪ್ರಸ್ತಾವಿಕ ಮಾತುಗಳನ್ನಾಡಿ, ಪ್ರಶಾಂತ್ ಮುಟ್ಟಿಕಲ್ ಬಹುಮಾನ ವಿಜೇತರ ಪಟ್ಟಿ ವಾಚಿಸಿ, ದಿನೇಶ್ ಶೆಟ್ಟಿ ಅಮ್ಮುಂಜೆ ಧನ್ಯವಾದ ಸಲ್ಲಿಸಿದರು. ಶಾಂತ ಸೆಲ್ವರಾಜ್, ಶಕುಂತಲಾ ಅಮ್ಮುಂಜೆ , ಗೀತಾ ಅಮ್ಮುಂಜೆ, ರಾಜಶ್ರೀ ಮಸ್ಕರೇನಸ್ ಸ್ಪರ್ಧೆಗಳ ಹೆಸರು ನೋಂದಣಿಗೆ ಸಹಕರಿಸಿದರು. ಮಕ್ಕಳಿಗಾಗಿ ಆಟೋಟ ಸ್ಪರ್ಧೆಗಳ ನಿರೂಪಣೆಯನ್ನು ರೋಷನ್ ಡಿಸೋಜಾ ಕಾರ್ತಿಬೈಲ್ ಮತ್ತು ಸಮಾರೋಪ ಸಭಾ ಕಾರ್ಯಕ್ರಮದ ನಿರೂಪಣೆಯನ್ನು ಸಂದೀಪ್ ಶೆಟ್ಟಿ ನಿರ್ವಹಿಸಿದರು. ಅಣ್ಣಪ್ಪ ಮುಟ್ಟಿಕಲ್ ಪಂದ್ಯದಲ್ಲಿ ಮೈದಾನ ನಿರ್ವಹಣೆ ನಡೆಸಿದರು.

0Shares