ರಾಜಸ್ಥಾನ ಮೂಲದ ವೃದ್ಧ ನರಸಿಂಹ (80) ರಸ್ತೆ – ಸಾರ್ವಜನಿಕ ಸ್ಥಳದಲ್ಲಿ ಅಸಹನೀಯವಾಗಿ ಬದುಕುತ್ತಿದ್ದು ವಿಶು ಶೆಟ್ಟಿಯವರು 8 ಸಲ ಜಿಲ್ಲಾಸ್ಪತ್ರೆಗೆ ದಾಖಲಿಸಿದ್ದರು . ವೃದ್ಧರಿಗೆ ವೃದ್ಧಾಪ್ಯದ ಸಮಸ್ಯೆ ಹೊರತು ಚಿಕಿತ್ಸೆಯ ಅವಶ್ಯಕತೆ ಇರಲಿಲ್ಲ. ವೃದ್ಧರ ರಕ್ಷಣೆ ಬಗ್ಗೆ ಸಾರ್ವಜನಿಕರು ಇಲಾಖೆಯ ಗಮನಕ್ಕೆ ತಂದರೂ ಪ್ರಯೋಜನವಾಗಲಿಲ್ಲ. ರಸ್ತೆಯಲ್ಲಿ ಹರಿದಾಡುವಾಗ ಇನ್ನೇನು ದುರಂತ ಸಂಭವಿಸಬಹುದು ಎಂದು ಇಲಾಖೆಯ ಗಮನಕ್ಕೆ ವಿಶು ಶೆಟ್ಟಿ ತಂದಿದ್ದರು. ಇಲಾಖೆ ಜಾಣ ಕಿವುಡು ಪ್ರದರ್ಶಿಸಿ ಸಂಬಂಧವೇ ಇಲ್ಲದಂತೆ ವರ್ತಿಸಿದರೆ ಕೊನೆಗೆ ವಿಶು ಶೆಟ್ಟಿ ಹೊಸ ಬೆಳಕು ಆಶ್ರಮದಲ್ಲಿ ಅನುಮತಿ ಪಡೆದು ಖಾಸಗಿ ಆಂಬುಲೆನ್ಸ್ ಮುಖಾಂತರ ದಾಖಲಿಸಿದ್ದಾರೆ. ಸಂಬಂಧಪಟ್ಟವರು ಯಾರಾದರೂ ಇದ್ದಲ್ಲಿ ಹೊಸ ಬೆಳಕು ಆಶ್ರಮವನ್ನು ಸಂಪರ್ಕಿಸಲು ವಿನಂತಿಸಲಾಗಿದೆ.

ಆಶ್ರಮಗಳು ಸಾರ್ವಜನಿಕರ ಸಹಾಯದಿಂದ ನಡೆಯುತ್ತಿದ್ದು ಹಾಸಿಗೆ ಹಿಡಿದ ರೋಗಿಗಳನ್ನು ಸಲಹುವುದು ಸುಲಭವಲ್ಲ. ಹೊಸ ಬೆಳಕು ಆಶ್ರಮದಲ್ಲಿ 30ಕ್ಕೂ ಹೆಚ್ಚು ಹಾಸಿಗೆ ಹಿಡಿದ ರೋಗಿಗಳ ಪಾಲನೆ ಮಾಡುವುದು ನಿಜವಾಗಿಯೂ ದೊಡ್ಡ ಸೇವೆ. ಪ್ರತಿ ದಿನ 40 ರಿಂದ 50 ಪ್ಯಾಡ್ ಗಳ ಅಗತ್ಯವಿದೆ. ಇಲಾಖೆ ಕಣ್ಣು ತೆರೆದು ನೋಡಿ ಸ್ಪಂದಿಸುವ ಕೆಲಸ ಮಾಡಬೇಕು. ಅನುದಾನದ ಆಶ್ರಮಗಳು ಹಾಸಿಗೆ ಹಿಡಿದ ರೋಗಿಗಳಿಗೆ ಆಶ್ರಯ ಕಲ್ಪಿಸುವಂತೆ ಮಾಡಿದ ಇಲಾಖೆಗೆ ಜವಾಬ್ದಾರಿ ಇಲ್ಲವೇ!?? ಸಂವಿಧಾನದ ಪ್ರತಿಯೊಬ್ಬನ ಬದುಕುವ ಹಕ್ಕನ್ನು ಇಲಾಖೆ ನೀಡುವಲ್ಲಿ ವಿಫಲವಾಗಿದೆ. ಇದು ಅಧಿಕಾರಿಗಳ ಬೇಜವಾಬ್ದಾರಿಯ ಕೆಲಸ.

Join Our WhatsApp Group!

Stay updated with the latest news and updates by joining our WhatsApp group. Click the button below to join:

Join Now

---