ಬಂಟ್ವಾಳ : ರಾಜ್ಯ ಮಟ್ಟದ ಹಿರಿಯ ಕಬಡ್ಡಿ ಆಟಗಾರ ಮತ್ತು ತೀರ್ಪುಗಾರರಾಗಿದ್ದ ದಾಮೋದರ ಪೈ ಮಾಣಿ (66) ಸೆ.30 ಸಂಜೆ ನಿಧನರಾದರು.
ದಾಮೋದರ ಪೈ ಅವರು ಕಬಡ್ಡಿ ಆಟದ ಮೂಲಕ ಖ್ಯಾತರಾಗಿದ್ದು, ಭಾರತ್ ಅರ್ಥ ಮೂವರ್ಸ್ ಲಿಮಿಟೆಡ್ನಲ್ಲಿ ಆಟವಾಡಿದ್ದರು. ಮಂಗಳೂರಿನ ಲೆಮಿನಾದ ಪ್ರಮುಖ ಆಟಗಾರರಾಗಿದ್ದರು.
ಮಾಣಿ ಯುವಕ ಮಂಡಲದ ಪ್ರಮುಖ ಆಟಗಾರರಾಗಿದ್ದು, ಯುವಕ ಮಂಡಲ ಜಿಲ್ಲೆಯ, ರಾಜ್ಯ ಮಟ್ಟದ ಪ್ರಶಸ್ತಿ ಪಡೆಯುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
ಕೆನರಾ ಹೈಸ್ಕೂಲಿನಲ್ಲಿ ಶಿಕ್ಷಕರಾಗಿದ್ದರು,ಹಾಗೆಯೇ ಮಾಣಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಅರೆಕಾಲಿಕ ಶಿಕ್ಷಕರಾಗಿದ್ದರು. ಹಲವಾರು ಮಂದಿ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿ ಕ್ರೀಡಾಪಟುವಾಗಿ ನಿರ್ಮಿಸುವಲ್ಲಿ ದಾಮೋದರ ಪೈ ಮುಖ್ಯ ಪಾತ್ರ ವಹಿಸಿದ್ದರು.
ಮ್ರೃತರು ಪತ್ನಿ ಹಾಗೂ ಕುಟುಂಬಸ್ಥರು, ಬಂಧುಮಿತ್ರರನ್ನು ಅಗಲಿದ್ದಾರೆ.
Join Our WhatsApp Group!
Stay updated with the latest news and updates by joining our WhatsApp group. Click the button below to join:
Join Now
